Patrimonio Habitado viaxa polo patrimonio inmaterial da Reserva da Biosfera Transfronteiriza Gerês-Xurés empregando como guía a memoria da súa veciñanza. Percorremos os seis concellos da RBTGX (Bande, Calvos de Randín, Entrimo, Lobeira, Lobios e Muíños) na procura de relatos en primeira persoa sobre formas de vida, oficios e festexos, e atopamos elementos patrimoniais que, xunto coas serras, ríos e monumentos, definen e outorgan identidade a este territorio.