DELAS FEST 2024
DELAS FEST
2024
Vídeo promocional do Delas Fest 2024, festival feminista internacional de arte urbana e contextual.
Cliente: 7H Coop
Formato: 16:9 | 1920 x 1080
Duración: 3 min.
Lingua orixinal: galego
Subtítulos: galego
Xénero: promocional
Dirección, guión, gravación e edición: Illa Bufarda
Subtítulos ao galego: A Sorregueira Cultura e Tradução
Interveñen: Pri Barbosa, Rame 13, Paula Calavera, Lupita Hard, Nana, Raquel Cermade e Smile.Scq.
Música: Atakando do álbum Aquí están as que ghritan de Flow do Toxo e In Hip Hop de Vivaleum
OUTROS TRABALLOS
RAÍCES. DA UTOPÍA EN DIANTE
RAÍCES. DA UTOPÍA EN DIANTE
2024
Raíces. Da utopía en diante é unha curtametraxe de ficción utópica que vén a ser a culminación dun obradoiro de creación colectiva coordinado por Feitoría Verde e realizado coas mulleres da Asociación Veciñal O Reguiño na parroquia de Biduído en Ames.
O desenvolvemento da curtametraxe realizouse durante meses e viu a destacar a capacidade transformadora dos procesos creativos, onde o audiovisual pasa a ser unha linguaxe de cohesión que permite crear relatos e achegarse a novas realidades.
Cliente: Feitoría Verde
A escritura de guión converteuse nun proceso invisible grazas a múltiples dinámicas e xogos que serviron de motor para a creatividade en colectivo. Os vínculos estiveron presentes de inicio a fin, como ferramenta educativa e como motor para a transformación social.
Raíces. Da utopía en diante conta co apoio á distribución da Deputación da Coruña. Esta curtametraxe proxectouse en:
- 15 de maio de 2025 no Auditorio A Fábrica de Oleiros. Organizado por CEIDA.
- 17 de setembro de 2025 na Fundación Seoane da Coruña. Festival Elas son Artistas.
- 23 de decembro de 2025 no Centro Cultural Mahía na parroquia de Bugallido en Ames.
- 15 de xaneiro de 2026 no Centro Sociocultural de Vedra.
- 23 de xaneiro de 2026 no Auditorio do Concello de Padrón.
- 19 de febreiro de 2026 na Facultade de Pedagoxía da Universidade de Santiago de Compostela.
- 19 e 20 de febreiro de 2026 na Facultade de Educación Social dentro da materia Pegadoxía Social I, na Universidade da Coruña.
- 26 de marzo de 2026 para o alumnado do IES de Muros, A Coruña.
- FIN DE XIRA 17 de abril de 2026 na Sala Mozart do Auditorio de Galicia, Santiago de Compostela.
OUTROS TRABALLOS
QUE A VERGOÑA SEXA DELES
QUE A VERGOÑA SEXA DELES. PARA NÓS, O BENQUERER
2024
Deseño da campaña de comunicación para o concello de Arzúa con motivo do 25N.
A idea central responde á necesidade e desexo de visibilizar que a vergoña debe cambiar de bando e que se deconstrúa o perfil estereotipado dos homes maltratadores. Búscase concienciar á sociedade arredor da violencia de xénero ofrecendo datos, que trasladados ao territorio que nos ocupa, poidan ter un impacto sobre os diferentes tipos de maltrato. A intención é rachar co silencio e convidar ao pobo a non ser cómplice ante a violencia cara as mulleres.
Esta campaña tamén propón unha alternativa: ser do benquerer para relacionarnos de xeito respectuoso, feminista e igualitario.
Cliente: Concello de Arzúa
Elaboramos os diferentes aplicativos gráficos tales como: elementos para redes sociais, díptico das actividades que o concello ofrece polo 25N, carteis das actividades, bolsas para os comercios, manteis para os bares de Arzúa, muppies e unha lona para o concello fixeron visible esta campaña no municipio.
OUTROS TRABALLOS
ANATOMÍA DUN FORNO
ANATOMÍA DUN FORNO
2024
O pasado e o presente entrelázanse a través dun fráxil fío: a memoria, tamén preservada nos materiais inertes onde perduran as pegadas da historia. Anatomía dun forno mergúllase na Idade de Ferro para explorar, mediante a arqueoloxía experimental, o forno cerámico de Castromao (Galiza). A análise dos materiais permítenos comprender mellor os procesos do pasado, pero tamén lembrar que, como a memoria, a anatomía dos obxectos sempre garda incógnitas.
Cliente: Universidade de Santiago de Compostela
Formato: 16:9 | 1920 x 1080
Duración: 30 min.
Lingua orixinal: galego
Subtítulos: castelán e inglés
Xénero: documental
Dirección, guión, gravación e edición: Illa Bufarda
Subtítulos en español: A Sorregueira Cultura e Tradução
Subtítulos en inglés: Claudia Saénz
Interveñen: Andrés Teira Brión, Pepa Rey Castiñeira, Tomás López González, Estevo Amado Rodríguez, Fernán Álvarez
Música: Líneas, borrón y puntos de Dous e Traces of the past, de Michal Bylina e Antonio Romero Cienfuegos.
OUTROS TRABALLOS
ENRAIZADAS
ENRAIZADAS
2021
Enraizadas formúlase como un proxecto audiovisual de fomento do consumo responsable e de proximidade e de defensa dos valores da igualdade. A campaña está protagonizada por sete mulleres, produtoras de seis concellos distintos das comarcas do Eume e Ferrolterra, que teñen algún tipo de vinculación co sector agroalimentario.
Cliente: Euroeume
Formato: 16:9 | 1920 x 1080
Duración: 4 min.
Dirección: Illa Bufarda
Traballo de campo: Rexenerando S. Coop. Galega
Guión: Illa Bufarda e Rexenerando S. Coop. Galega
Produción: Rexenerando S. Coop. Galega
Moderador/a entrevista: Rexerando S. Coop. Galega
Gravación: Illa Bufarda
Música: Maribel de Caamaño Ameixeiras
Edición e montaxe: Illa Bufarda
OUTROS TRABALLOS
O GRAN RETO
O GRAN RETO
2023
Webserie, a modo de vlog, na que tres persoas castelánfalantes mostran a realidade do seu proceso de transición ao galego.
Cliente: Alingua
Xénero: Webserie
Formato: 16:9 | 1920 x 1080
Duración: 10 min.
Serie completa: Youtube de Alingua
Presentadora: María Rúa
Protagonistas: Darío Mares, Martiña Pérez e Nelu Vermouth
Plató: A Estación Cultural
É TÚA. PÁSAA! [FÁTIMA PEGO E GRANDE AMORE]
É TÚA. PÁSAA!, FÁTIMA PEGO E GRANDE AMORE
2023
Videoclip creado para Alingua coa colaboración de Fátima Pego e Grande Amore. É túa. Pásaa! é o lema da campaña colaborativa, que ten como obxectivos estar presente en diferentes ámbitos sociolingüísticos e achegar a lingua a un público interxeracional, mais con especial atención á mocidade. O tema creado reflicte o carácter polifacético da asociación, onde a mestura é un piar fundamental.
Cliente: Alingua
Duración: 3 min.
Composición e interpretación musical: Fátima Pego e Nuno Pico
Gravación e masterización musical: Josep Ludwing Ruiz e Edward Machado
Dirección de movemento: Ánxela Blanco
Coreografía: Ánxela Blanco, Sabela Domínguez e Eloi García
Colabora: Asociación Cultural Foula de Tenorio (Cotobade) e Pazo de Lourizán (Pontevedra)
OUTROS TRABALLOS
ALINGUA
ALINGUA
2022, 2023
Campaña de comunicación realizada para dar a coñecer a nova asociación Alingua e fomentar o uso e o coñecemento do galego.
Cliente: Alingua
Comunicación en medios: Con C de Comunicación
Deseño en web e identidade corporativa: Desoños
Produción e creación de contidos da unidade didáctica: Maos Innovación Social S. Coop. Galega
Operadoras de cámara de apoio na Cartografía Sensorial: Aqueladas S. Coop e Sonia García
Fotografías do acto de presentación: Denís Estevez
Desenvolvemos unha intensa actividade en redes sociais con materiais propios, audiovisuais, sorteos, adhesivos para conversas en liña, sintonía propia, filtro de Instagram e colaboracións de persoas referentes.
Para fomentar a presenza da asociación nos seus concellos, póñense a disposición da veciñanza bandeirolas e adhesivos para o comercio local. Ademais, creamos unha sección nas redes sociais con frases destacadas de veciños e veciñas desas localidades con proxección pública e compromiso coa lingua. Ideamos os Alinguaclips, deseños para dar a coñecer curiosidades relacionadas coa lingua e a cultura en cada concello. Tamén realizamos unha Cartografía Sensorial na que cada concello comparte unha cor identificativa e tres postais sonoras que reflicten a riqueza lingüística de cada lugar.
Para os centros educativos, deseñamos unha unidade didáctica e un póster para traballar na aula con persoas referentes no uso do galego en diversos ámbitos.
Realizamos o deseño e a produción do acto público de presentación da Asociación de entidades locais pola lingua galega, Alingua.
OUTROS TRABALLOS
O TEU MACHISMO DÁ NOXO
O TEU MACHISMO DÁ NOXO #senprórroga
2023
Campaña de comunicación para o 25N composta por deseños para redes sociais, vídeos, proxeccións na rúa e materiais gráficos para diferentes aplicacións.
O noxo articula a campaña nos seus dous piares: por un lado, as diferentes formas de violencia na mocidade e por outra banda, no deporte. A partir da conexión cunha emoción preténdese crear movemento, conmover e, no fin, mobilizar e sensibilizar.
Un total de 13 deportistas locais protagonizan as pezas audiovisuais da campaña nas que se implicaron tamén os seus clubs.
Cliente: Concello de Santiago de Compostela
Lonas, vasos e sacas de papel, manteis para hostalaría, vinilos para o comercio, marquesiñas e traseiras dos urbanos foron algúns dos elementos e lugares nos que se difundiu a campaña.
Súmanse tamén catro proxeccións en emprazamentos chave da cidade, nas que se lanzan preguntas directas e incisivas co obxectivo de facer reflexionar sobre as agresións sexuais en relación ao lugar que se habita ou transita no día a día.
YOUTUBEIRAS
YOUTUBEIRAS
De 2017 a 2022
Conceptualización, deseño da identidade corporativa, comunicación, videocreación, deseño gráfico, xestión de redes, produción e xestión integral do proxecto Youtubeiras e dos seus premios, durante as seis primeiras edicións deste proxecto, que ten como obxectivo encher a Rede de vídeos en galego.
Na sexta edición dos Premios Youtubeiras presentáronse 74 canles das cales 46 participaron por primeira vez no certame.
Web: youtubeiras.gal
Cliente: Servizos de Normalización Lingüística de diversas entidades
Nestas seis edicións, realizamos actividades formativas presenciais e en liña para fomentar os espazos de convivencia entre as persoas creadoras do Youtube en galego, algunhas delas impartidas por Illa Bufarda. Tamén elaboramos material formativo e divulgativo audiovisual e escrito.
As galas de entrega de premios de cada edición foron deseñadas, dirixidas e producidas por Illa Bufarda.
Comunicación: Alberto Ramos, con C de Comunicación
Artigos web: Illa Bufarda, Uxía Iglesias, Silvia López, Iago Codesido
Programación web: Ifrit (2017-2019) e Triwus (2020-2021)
Fotografía: Pilar Abades (2017-2018) e Xiana Quintas (2019,2021)
Subtitulado: A Sorregueira. Cultura e Tradução
