PRONÚNCIATE! CON NOMES E APELIDOS EN GALEGO
PRONÚNCIATE! CON NOMES E APELIDOS EN GALEGO
2026
Deseño da campaña de comunicación para promover a restauración dos nomes e apelidos en galego. Trátase dunha iniciativa que non está ligada a unha data concreta polo que é importante que poida perdurar no tempo e de acompañar tanto á militancia do partido como á sociedade en xeral no proceso de recuperación dos nomes e apelidos en galego. Cunha identidade visual clara e materiais atemporais, pretende ofrecer ferramentas útiles, accesibles e motivadoras para dar este paso.
A campaña quere ter un carácter excepcional e mobilizador: agora, é o momento. Visibilizamos que cambiar é sinxelo, necesario e que supón recuperar a nosa liberdade, identidade e memoria colectiva, nun acto de xustiza e aliñación de valores.
Cliente: Bloque Nacionalista Galego
Ademais dos materiais audiovisuais, elaboramos os seguintes elementos gráficos: cartel, díptico, pegatinas para coche, lápices, banners para prensa e deseños para redes sociais.
OUTROS TRABALLOS
CAMIÑOS DE IDENTIDADE
CAMIÑOS DE IDENTIDADE
2020
Creación de cinco vídeos destacando as paisaxes, os proxectos e os bens patrimoniais que forman parte da identidade de cinco lugares polos que tamén pasa o Camiño: Cabanas, Mondoñedo, Porqueira, Rodeiro e Triacastela.
Cliente: Amarelas Soc. Coop. Galega
OUTROS TRABALLOS
ANDERSON
ANDERSON
2025
Creación dos visuais para Anderson, o espectáculo de Cantigas e Agarimos sobre a viaxe e a obra da fotógrafa Ruth Matilde por Galiza en 1925. Visitamos as localizacións de once das súas fotografías para recrear o encadre coas nosas cámaras e completar a composición co elenco sobre o escenario. Tamén deseñamos o cartel da obra, materiais para a súa difusión nas redes sociais, o tráiler do espectáculo e a cobertura fotográfica.
Cliente: Agrupación Folclórica Cantigas e Agarimos
OUTROS TRABALLOS
A MADEIRA NO ESPELLO DA CERÁMICA
A MADEIRA NO ESPELLO DA CERÁMICA
2025
Documental de Illa Bufarda sobre un proxecto de investigación de María Martín Seijo. A madeira no espello da cerámica é un achegamento experimental ás vasillas ou vasos tipo San Cibrán de Lás.
Cliente: María Martín Seijo
Formato: 16:9 | 1920 x 1080
Duración: 13 min
Lingua orixinal: galego
Subtítulos: castelán e inglés
Xénero: divulgativo
Creación audiovisual: Illa Bufarda
Produción: Illa Bufarda e María Martín Seijo
Investigación: María Martín Seijo. Científica Titular do INCIPIT, CSIC.
Entrevistas: María Martín Seijo
Participan: Pepa Rey Castiñeira, investigadora especialista en cultura castrexa. Tito Ledo Roca, artesán tradicional da madeira. José Luis Méndez Fernández, conservador-restaurador no Museo Arqueolóxico Provincial de Ourense.
Subtitulado ao castelán: A Sorregueira, cultura e tradución.
Subtitulado ao inglés: Árbore Azul.
Música: “Loureiro” de Oh Trío (German Diaz, Antonio Bravo & Diego Martín), Cancionero Gallego
Voz en off: Dolores Castro
BÓTALLE COLLÓNS
BÓTALLE COLLÓNS
2025
Deseño da campaña de comunicación para o concello de Arzúa con motivo do 25N.
Esta campaña é unha proposta creativa directa e provocadora que resignifica unha expresión tradicionalmente asociada á virilidade para interpelar aos homes e convidalos a cuestionar as violencias cotiás contra as mulleres. A través de mensaxes que combinan o lema principal con situacións de acoso ou intimidación facilmente recoñecibles, a campaña procura visibilizar e nomear estas condutas, evitar a súa naturalización e abrir a porta a alternativas de relación máis respectuosas e igualitarias, establecendo continuidade coa pasada campaña na que se empregou o cancelo #eusondobenquerer.
Cliente: Concello de Arzúa
Elaboramos os diferentes aplicativos gráficos tales como: cartelería, carrusel para redes sociais, díptico das actividades e deseño de muppies a grande formato.
OUTROS TRABALLOS
NORAVES
NORAVES
2025
Vídeo divulgativo realizado en animación para o proxecto Noraves, desenvolto en colaboración coa Fundación Biodiversidad del Ministerio para la Transición Ecológica y el Reto Demográfico, a través do Programa Pleamar.
Un proxecto cofinanciado pola Unión Europea a través do FEMPA.
Cliente: CEIDA, Centro de Extensión Universitaria e Divulgación Ambiental
Formato: 16:9 | 1920 x 1080
Duración: 4 min.
Lingua orixinal: galego e castelán.
Subtítulos: galego e castelán.
Xénero: divulgativo
Guión, deseño e animación: Illa Bufarda
Subtitulación: A sorregueira. Cultura e tradução
Voz en off: Nvelar
OUTROS TRABALLOS
ALTAS LUCES
ALTAS LUCESFotografía | Mirada | Xénero
2025
Altas Luces é un encadre doutros posibles, un filme determinado. Un ensaio que indaga nas relacións entre a arte fotográfica e a expresión do desexo desde unha ollada feminista.
Historiadoras da arte, fotógrafas e creadoras visuais debullan a historia das imaxes e da representación dos corpos, ao tempo que revelan as sombras das que, tras da cámara, se atreveron a mirar.
Altas Luces é un proxecto que vai máis aló do propio documental e dispón doutros materiais divulgativos difundidos nas súas RRSS: material gráfico que profundiza sobre a vida e obra das pioneiras da fotografía en Galiza, material reflexivo sobre o acto fotográfico no ámbito persoal e familiar e entrevistas con diversas fotógrafas en activo, que dan conta das miradas diversas que configuran o actual panorama fotográfico galego.
Altas Luces é un proxecto galardoado co Premio Luísa Villalta a proxectos pola igualdade 2024 da Deputación da Coruña.
Dirección: Illa Bufarda
Financiación: Deputación Provincial da Coruña
Patrocinio: Deputación Provincial de Lugo
Participan: Charo Lopes (xornalista e fotógrafa), Fernanda Padín (Autora do blog Fotógrafas Pioneiras), Jennifer Novoa (historiadora da arte), Mar Caldas (artista visual), Margarita Ledo (cineasta, xornalista e escritora) e Sabela Fraga (historiadora da arte).
Voz en off: Iria Pinheiro
Estudo de gravación: A Ponte Estudio
Música: Macarena Montesinos, Núa do Álbum Núa, Soa do Álbum Núa e Before the light, co artista sonoro Ranter’s Bay, do Álbum Boogie Desert (songs for a post-apocalyptic western)
Subtítulos ao galego e ao castelán: A Sorregueira Cultura e Tradução
Subtítulos ao inglés: Claudia Sáenz
OUTROS TRABALLOS
LINGUA VITAL XA!
LINGUA VITAL XA!
2025
Deseño da campaña de comunicación da convocatoria da manifestación pola lingua convocada por Queremos Galego. Co lema "Lingua vital xa!" búscase transmitir a forza, a esperanza e a confianza na capacidade que temos como pobo para reverter a situación de emerxencia na que está a nosa lingua.
Un idioma deixa de estar vivo cando non se fala. Apelamos a esa vitalidade convidando a berrar con forza este lema, ao estilo Son Goku, con enerxía e determinación. Continúase coa traxectoria de Queremos Galego de emitir unha mensaxe en positivo e márcase un tempo: ten que ser xa, non podemos demorar máis en cambios políticos efectivos en prol da lingua.
Cliente: Queremos Galego
Elaboramos os seguintes elementos gráficos: cartel, tríptico, lonas, banners para prensa e deseños para redes sociais.
A nivel audiovisual, esta campaña está composta de tres materiais diferentes: unha animación divulgativa sobre que fitos históricos marcaron a situación sociolingüística actual do galego, un vídeo promocional convocando a asistir á manifestación e pílulas de vídeo nas que persoas influentes se adheriron publicamente á convocatoria de Queremos Galego.
OUTROS TRABALLOS
RAÍCES. DA UTOPÍA EN DIANTE
RAÍCES. DA UTOPÍA EN DIANTE
2024
Raíces. Da utopía en diante é unha curtametraxe de ficción utópica que vén a ser a culminación dun obradoiro de creación colectiva coordinado por Feitoría Verde e realizado coas mulleres da Asociación Veciñal O Reguiño na parroquia de Biduído en Ames.
O desenvolvemento da curtamentraxe realizouse durante meses e viu a destacar a capacidade transformadora dos procesos creativos, onde o audiovisual pasa a ser unha linguaxe de cohesión que permite crear relatos e achegarse a novas realidades.
Cliente: Feitoría Verde
A escritura de guión converteuse nun proceso invisible grazas a múltiples dinámicas e xogos que serviron de motor para a creatividade en colectivo. Os vínculos estiveron presentes de inicio a fin, como ferramenta educativa e como motor para a transformación social.
Vimos de realizar unha xira de distribución de proximidade, levando a curtametraxe por diferentes localidades e espazos.
Onde estivemos?
- 15 de maio de 2025 ás 20:00 horas no Auditorio A Fábrica de Oleiros. Organizado por CEIDA.
- 17 de setembro de 2025 ás 20:00 horas na Fundación Seoane da Coruña. Festival Elas son Artistas.
- 23 de decembro de 2025 ás 19:00 horas no Centro Cultural Mahía na parroquia de Bugallido en Ames.
- 15 de xaneiro de 2026 ás 20:00 horas no Centro Sociocultural de Vedra.
- 23 de xaneiro de 2026 ás 19:00 horas no Auditorio do Concello de Padrón.
- 19 de febreiro de 2026 ás 10.30 na Facultade de Pedagoxía da Universidade de Santiago de Compostela.
- 19 e 20 de febreiro de 2026 ás 9.00 horas na Facultade de Educación Social dentro da materia Pegadoxía Social I, na Universidade da Coruña.
- 26 de marzo de 2026 ás 10.00 horas para o alumnado do IES de Muros, A Coruña.
- FIN DE XIRA 17 de abril ás 20.00 horas na Sala Mozart do Auditorio de Galicia, Santiago de Compostela.
Raíces. Da utopía en diante conta co apoio á distribución da Deputación da Coruña.
QUE A VERGOÑA SEXA DELES
QUE A VERGOÑA SEXA DELES. PARA NÓS, O BENQUERER
2024
Deseño da campaña de comunicación para o concello de Arzúa con motivo do 25N.
A idea central responde á necesidade e desexo de visibilizar que a vergoña debe cambiar de bando e que se deconstrúa o perfil estereotipado dos homes maltratadores. Búscase concienciar á sociedade arredor da violencia de xénero ofrecendo datos, que trasladados ao territorio que nos ocupa, poidan ter un impacto sobre os diferentes tipos de maltrato. A intención é rachar co silencio e convidar ao pobo a non ser cómplice ante a violencia cara as mulleres. Esta campaña tamén propón unha alternativa: ser do benquerer para relacionarnos de xeito respectuoso, feminista e igualitario.
Cliente: Concello de Arzúa
Elaboramos os diferentes aplicativos gráficos tales como: elementos para redes sociais, díptico das actividades que o concello ofrece polo 25N, carteis das actividades, bolsas para os comercios, manteis para os bares de Arzúa, muppies e unha lona para o concello fixeron visible esta campaña no municipio.
